اعلان 12
لو فى يوم بتفتح الكبوت ولقيت فلتر الزيت مرشح زيت حواليه ونقطتين تلاتة تحته علي الأرض يبقى تبدأ تدور علي الأسباب وماتسكتش علي الموضوع لأنه خطر وممكن يفضى زيت الموتور كُله من غير ما تاخد بالك ويحصل تآكل فى الموتور من الداخل وتخسره 
طيب إيه هي أسباب ترشيح فلتر الزيت؟ 🫨
١- عدم إحكام الربط كويس
٢- إستخدام فلتر مضروب أو مكتوم (ضغط الزيت اللى داخل أكتر من اللى خارج)
٣- قطع فى الچوان الجلد الخاص بالفلتر أثناء التركيب أو سوء جودة الچوان.
علاج الترشيح: 
١- لو مش مربوط هتربطه كويس وتغسل الموتور عشان يبان أي تسريب جديد
٢- لو الفلتر مربوط كويس ومرشح زيت يبقى الفلتر مكتوم نتيجة الترسبات داخل الفلتر أو مضروب مش أصلي
٣- لتفادى قطع الچوان هتلاقى مكتوب على الفلتر إنك قبل ما تركبه بتغطى الچوان الجلد بتاعه بشوية زيت وفيه ناس بتركب على طول من غير ما تعمل كدة وممكن يتقطع منه
اعلان 111
