منوعات

قصه حرب الاخوين فيانور و فينغولفين … Rings of power : خواتم السلطة

اعلان 31
اعلان 2
اعلان 12

فيانور هو الابن الاكبر ل فينوى من زوجته ميريال ابوه سماه كوروفينوى وامه سمته فيانور بمعنى #روح_النار امه تعبت جدآ فى حملها لان حملها في فيانور استهلك معظم طاقتها اللى خلاها تعبت فى النهايه وفارقت الحياه وفينوى حزن عليها جدآ لذلك فينوى اهتم ب فيانور وكبر بسرعه وكان زكى وطويل ووسيم ومش بياخد قرار غير وينفذه سواء بالقوه او بالأقناع .

فيانور يعتبر امهر جان فى عشيره النولدور هو اول من نقب عن الاحجار الكريمه واول من صنع الجواهر وصنع بلورات البلانتير على شكل عيون نسور مانوى ؛ فينوى علشان كان عايز يخلى عشيره النولدور كبيره اتجوز واحده اسمها #انديس من عشيره الفانيار وانجب منها فينغولفين وفينارفين .

فيانور كان اكثر اخواته ذكاء ومهاره وفينغولفين كان اكثرهم قوه وشجاعه وجه الوقت اللي فيانور صنع اعظم اعماله واللى هى جواهر السيلماريلز ؛ فيانور قدر يوصل لطريقه انه ياخد من نور الشجرتين ويحطهم فى جواهر وصنع ثلاث جواهر بيشعوا نور عظيم جدآ نور هيفضل باقى حتى بعد دمار الشجرتين الجواهر دى غير قابله للتدمير والماده اللى اتصنعوا منها مش معروفه لأى حد تانى غير فيانور .

الكل انبهر من صنع ايد فيانور ومن الجواهر دى حتى #فاردا قدستهم جدآ علشان كده مفيش بشر او اى كيان شرير او اى حد يكون عنده شويه شر جواه يقدر يمسكهم ساعتها الجواهر هتعذبه وتحرق ايده من شده نقائها ؛ ماندوز تنبآ بمصير الجواهر دى انها هتتسبب فى صراعات هتدوم فتره طويله جدآ .

ميلكور فى الفتره دى كان حقود جدآ على فيانور وكان عايز ياخد الجواهر لنفسه فحاول يوقع بين الفالار والجان وقال للجان ان الفالار استدعوكم ل ارض امان علشان يفضوا الارض الوسطى للبشر وان مع الوقت الفالار هيستبدلوهم بالبشر .

وحاول يوقع بين فيانور وفينغولفين فقال ان فينغولفين بيخطط انه ياخد حق فيانور ويكون ملك على النولدور بعد موافقه الفالار علشان الفالار مش بيحبوا فيانور لأنه محتفظ بجواهر السيلماريلز لنفسه ومأتمنش الفالار عليهم ؛ الاكاذيب دى فضلت تتنقل لحد ما وصلت ل فيانور اما فينغولفين وفينارفين قلهم انهم لازم ياخدوا حذرهم من فيانور لأن دايمآ ابوهم فى صفه وبيحبه اكتر منهم وبدأ فيانور يصنع اسلحه لنفسه وفى الناحيه التانيه فينغولفين بيصنع اسلحه وفى احد قاعات النولدور فيانور لقى فينغولفين واقف فوضع السيف على رقبه فينغولفين وهدده وقاله انت لو اخدت مكانى عند والدى هقتلك ساعتها انحنى فينغولفين ل اخوه وسابه ومشى وبعد كده رحله فيانور عند باب القاعه وحط السيف على صدره وقاله ان السيف ده احد من لسانك .

الفالار لما عرفوا اللي حصل نفوا فيانور الى فيرمنوس وبعد كده فينوى عين فينغولفين ملك على النولدور .

فيانور لما اتنفى اخد زوجته وابنائه السبعه واخد معاه جواهر كتيره جدآ من صنعه ومنها السيلماريلز وخبأهم فى صندوق حديدى وحط الصندوق فى غرفه مصنوعه من الحديد ؛ فى الوقت ده كان ميلكور هربان من الفالار بصحبه انغوليانت بعد ما دمروا الشجرتين وراحوا ل فيرمنوس علشان يسرق جواهر السيلماريلز من فيانور وبالفعل سرقهم منه بالقوه والدهاء .

بعد كده الفالار عرفوا ان اللي حصل بين فيانور وفينغولفين من مكر وشر ميلكور فحاولوا انهم يصالحوهم على بعض وبالفعل سامح فينغولفين اخوه فيانور وتم الصلح ولكن بعد سرقه اهم واعظم 3 جواهر صنعها فيانور واللى هتتسبب بعد كده بالحروب والخراب فى اردا .

اعلان 111
اعلان 332

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

اعلان 44
زر الذهاب إلى الأعلى