منوعات

كنزي مدبولي لما تلاقي الانستجرام عطل وكده بقت lifeless

اعلان 31
اعلان 2
اعلان 12

في بداية حوارنا مع البلوجر الجميلة خفيفة الظل “كنزي” بدأت بتعريف نفسها : أنا اسمي كنزي محمد حسن مدبولي عندي 24 سنة خريجة إعلام في الاكاديمية العربية، بقدم محتوى ترفيهي وتوعوي على السوشيال ميديا.

أما عن بدايتها في عالم السوشيال ميديا والفيديوهات قالت : بدايتي على السوشيال ميديا كانت أيام الكورونا كنت بحاول اني أسلي نفسي واطلع الطاقة اللي جوايا ودائما بحس اني عندي طاقة إبداعية أو عايزه اوصل رسالة مش عارفه اطلعها ازاي فكنت بقعد اكتب بوستات وكتاباتي ماكانش حد بيشوفها وايام الكورونا حاولت اعبر عن اللي جوايا بالفيديوهات كانت في البداية بيني وبين اصدقائي وكانت عن مواضيع مشتركة بينا زي مثلا المسلسلات التركي وبعد كده بدأت اعمل حاجات اكبر من كده والحمد لله الموضوع لاقى قبول من الناس.

وبعد سؤالنا لها عن إذا واجهت صعوبات في بداية طريقها فجاوبت : أول ما بدأت الموضوع كان لذيذ بصراحة مواجهتش صعوبات اوي ، اهلي كانوا مش فاهمين انا بعمل ايه اوي كانوا شايفين اني مش بعمل حاجه تضر حد فلا كانوا معترضين ولا قابلين الموضوع بالنسبه ليهم كان طبيعي لحد بقا ما شافوا الموضوع راح معايا لفين وقد ايه الموضوع مؤثر وبدأوا هما كمان يدعموني ويعملوا معايا فيديوهات يعني عايزه اقولك أن معظم الفيديوهات اللي اهلي بيعملوها معايا بيعملوها عشان يدعموني حتى لو هما اصلا مش حابين يعملوا كده، ممكن التعليقات السلبية كانت في فترة ما بتأثر عليا لدرجة اني مش بكون عاوزه اعمل محتوى بس الحمد لله كل ده بيعدي.

اعلان 111
اعلان 332

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

اعلان 44
زر الذهاب إلى الأعلى