كريم الدبيس : أهم مكسب في المباريات الأخيرة ، إنك تلاقي ظهير أيسر يعوض غياب علي معلول ، عنده شخصية الأهلي و جرئ و هجوميا قوي و عامل جبهه محترمه ، النهارده أمام سيراميكا تسبب في الضربة الركنية اللي جه منها الهدف الاول و في الشوط الثاني تسبب في طرد مدافع سيراميكا رجب نبيل ، و عمل عرضية ممتازة لتاو في الشوط الاول بفرصة هدف محقق ، هيعمل منافسة مع معلول خلال الموسم و هتقدر تريح معلول و تعوض غيابه في حالة اصابته او غيابه لأي سبب.
اكرم توفيق : اكتر لاعب بيلعب بشخصية و روح الفانلة الحمراء و كان افضل لاعب في مباراة صن داونز بالقاهرة ، المقاتل اللي تقدر تستخدمه ك ظهير ايمن و تقدر تستخدمه في وسط الملعب هيفرق و هتقدر تعمل تدوير في بعض المراكز من خلاله زي الظهير الايمن مع هاني و لاعبي وسط الملعب ، نوعية لاعبين زي اكرم تخليك مطمن علي الأهلي و هو في الملعب.
كريم فؤاد : البديل السحري اللي كل لما بينزل بيكون حل مهم جدًا ، النهارده كولر عمل تغيير مهم جدًا جدًا و هيفرق مع الأهلي في المباريات المقفولة ، انه فكر انه يغير ظهير و ينزل مهاجم تاني و يرجع كريم فؤاد ظهير جناح أيمن زي مانويل جوزيه لما كان بيرجع بركات باك يمين و ينزل مهاجم تاني عشان يزود الشراسة الهجومية ، كريم نقدر نستخدمه ك جناح و ك ظهير ايمن و برده هيساعد في عملية التدوير.
أحمد نبيل كوكا : اللي من بداية الموسم عامل منافسة قوية في وسط الملعب مع ديانج و مروان عطية ، كوكا لاعيب عنده رؤية و كورته حلوه جدًا ، لو قلل نسبة ارتكابه للفاولات في وسط الملعب هيروح في حته تانيه ان شاء الله.
