8 خطوات تعلمك ازاى تحسن علاقتك بمديرك فى الشغل وتطمنه من ناحيتك

فى بداية حياتك وفى احيان كتيرة..حيكون مستحيل تختار رئيسك فى الشغل…ومهم علاقتك بيه تكون كويسة ان مكنتش قوية..لان صلاحياته وعلاقاته كبيرة.
فلو عانيت او لسه بتعانى من مدير صعب..فاكيد عارف ان ادارة العلاقة بينكم مش سهلة…لكن جانب كبير من علاقتك برئيسك فى الشغل بتعتمد عليك.
طيب ازاى تحسن علاقتك بمديرك فى الشغل وتطمنه من ناحيتك، حقلك على ٨ حاجات تنفع مع المعظم:

١. افهمه كويس: مهم تفهمه كويس..اولوياته..اهدافه..ايه اللى بيضايقه..بيحب يعرف بيانات مجملة ولا تفصيلية…بيحب تعرض عليه الشغل وكل التفاصيل اول باول..ولا بس مراجعة نهائية..هو له اسلوبه اللى ممكن يكون مختلف تماما عن اسلوبك.

٢. تواصل صح: مش بس تهتم حتقول ايه..لكن ازاى حتقوله..وامتى..وحتسمع مديرك ازاى..

٢. خليك امين: الامانة تخليك تقول له لو شفت او عرفت حاجة تاثر عليه او على سمعته..وطبعا تقله بذكاء واسلوب مهذب..وده حيبني الثقة بينكم.

٣. اطلب بدل ماتشتكي: لو عايز دعم او حاجة معينة او اتظلمت فى حاجة.. اطلبها بشكل مباشر..متستناش هو يحس ويقدر…كتير مش حيديك طلبك..بس على الاقل حتكون حاولت.

٤. ماتعيش دور الضحية..خليك واثق فى نفسك ومتبقاش قليل الحيلة..حطلك حدود عشان محدش يتعداها.

٥. متحاولش تسرق الاضواء منه

٦. اتقان العمل: اشتغل باخلاص وحاول تظهر رئيسك بصورة كويسة حتى لو عنده بعض المشاكل…من الاحترافية انك تحترم منصب الرئيس (دى اصعب نقطة وعايزة صبر ومثابرة منك)

٧. حاول بكل الطرق تحسين العلاقة..جرب….وبالتجربة حتحدد احسن اساليب تتبعها..لان كل واحد له طبيعة مختلفة…

٨. اوعى تنسي مبادئك وصدقك مع نفسك
وطبعا متنساش تتعلم من اى مدير سيء..ومتقعش فى نفس اخطاؤه لما تبقي مدير زيه