تعريف الامان الوظيفي

عمرك سألت نفسك ليه موظف الحكومه بيفضل فى مكانه سنين طويله على الرغم انه بياخد ملاليم! وممكن يكون طموح جدا
فى نفس الوقت تلاقى موظف القطاع الخاص بيقبض كتير ولكن بيتحرك من هنا لهنا.

كتير بتفاجئ ان موظفين بياخدوا مرتبات كويسه سابوا اشغالهم وراحوا جهات حكوميه.

المشكله فى الامان ياصديقى مش فى الطموح.

للأسف، طبيعة النفس البشريه بتميل اكتر للأمان والاستقرار، ولأن القطاع الخاص بيفتقر للنقطه دى تلاقى الواحد عمال ياخد فى كورسات وشهادات ويسهر ويتعب ويتقاله شكرا.
ومن هنا المشكله!
محدش عنده استعداد يضحى لأجله ولا لتعبه ولا لمرضه ولا لأى شئ يخصه.

موظف القطاع الخاص محتاج يجنى اكبر قدر من الفلوس ويجرى لأنه عارف انه على حافة الهاويه فى اى لحظه وعارف انه بعد مايكبر لا هيلاقى علاج ولا فلوس ولا اى حاجه تأمنه من مصيره المجهول.

ياريت ناخد بالنا ونحسس الناس بالأمان، الفلوس جزء من المعادله مش كل المعادله.