عارف وانت بتسمع فويس بسرعة عالية على الواتس اب وبعدين تعدي كام كلمة مش فاهمها فترجع السرعة للوضع العادي تاني وبعدين تحاول ترجع الفويس ما قبل الكلمة دي وبعدين يجيلك احساس بالضيق على اساس ان مش لازم كنت تسرعها من الاول اساساً؟ولا وانت بتسمع فيديو معين وتجري حته منه وبعدين تكتشف ان الاحداث وقعت منك وتضطر ترجع تسمع الفيديو من الاول من غير ما تسرع او تجري منه حاجة؟
اعتقد ان ده افضل تشبيه
للخطأ الشائع اللي اغلب الناس بتقع فيه.
دائماً مستعجلين جداً وبنحاول نسرع الاحداث ونتخطى بعض التفاصيل علشان نوفر وقت ولكن للاسف بتقابلنا مشاكل تجبرنا غصب عننا اننا نرجع واحدة واحدة ومن الاول خالص ونركز في التفاصيل بدقه شديدة.
وكل اللي بيغلط الغلطه دي
كان في الاساس عايز يكسب وقت بس للاسف بينتهي بيه الحال خسر وقت ومجهود وفلوس.
احذر من تسريع عجلة الامور في اي شيء في بناء مهاراتك او في البيزنس او حتى في علاقاتك.
بلاش فهلوه وجيب من الاخر وهات الزتونة والكلام ده كله.
من الذكاء انك تركز وبكل تأني في كل التفاصيل الصغيرة قبل الكبيرة.
ومن خبرة وتجارب سنين كتيرة احب اقولك ان الفرق ما بين النجاح والفشل في اي شيء هو شوية تفاصيل.
والمفاجأة بقى انها بتكون تفاصيل صغيرة ومستخبيه علشان كده ناس كتير مش بتاخد بالها من التفاصيل دي.
للخطأ الشائع اللي اغلب الناس بتقع فيه.
كان في الاساس عايز يكسب وقت بس للاسف بينتهي بيه الحال خسر وقت ومجهود وفلوس.
والمفاجأة بقى انها بتكون تفاصيل صغيرة ومستخبيه علشان كده ناس كتير مش بتاخد بالها من التفاصيل دي.
